Аксы районунун акими болуп Ыманберди Досбаев дайындалды

Ыманберди Досбаев Жалал-Абад облусунун Аксы районунун мамлекеттик администрация башчысы - акими болуп дайындалды. Бул тууралуу бүгүн, 12-мартта өкмөттүн басма сөз кызматынан маалымдашты.

Маалыматка ылайык, тиешелүү буйрукка премьер-министр Мухаммедкалый Абылгазиев кол койду.

Досбаев Ыйманберди Райымбердиевич 1962-жылы 25-июлда Жалал-Абад областынын Чаткал районуна караштуу Акташ айылында туулган. Токтогул районунун акими, КРнын президентинин аппаратынын стратегиялык анализ жана мониторинг бөлүмүнүн эксперт-консультанты кызматтарында иштеген.