Акшумкарларды колдойлу! Мирлан Мурзаевдин киргизген голу Азия кубогунун «Мыкты гол» номинациясына талапкер болду

 Мирлан Мурзаевдин БАЭнин командасынын дарбазасына киргизген голу Азия кубогунун  «Эң мыкты гол» номинациясына талапкер болду. Бул тууралуу Кыргыз республикасынын футбол федерациясы бүгүн, 23 январда билдирди.

Маалыматка ылайык, Азия футбол конфедерациясы Азия кубогу -2019  1/8 финалынын  алкагында көрсөтүлгөн 6 мыкты голдун ээлерин тандап алып, күйөрмандардын добушу аркылуу мыктынын мыктысын тандайт.  

Эскерте кетсек, БАЭ де өтүп жаткан Азия-2019 кубогунда Кыргызстандын футбол боюнча курама командасы да катышып 1/8 финалында  талаа кожоюндары менен болгон оюнда 3:2 эсеби менен утулуп,оюндан четтетилди.  Анда каршылаштарынын дарбазасына Мирлан Мурзаев чабуул коюп, биринчи голду киргизген.

Мирлан Мурзаевди колдойбуз деген мекендештер төмөнкү шилтеме менен кирип, добуш берсеңиздер болот. http://bit.ly/2WdjBin

Кыргызстандык футболчудан тышкары  “Мыкты гол” номинациясына:

Бахи Абдельрахмана (Иордания менен  Вьетнам беттешиндеги оюнда гол киргизген;

Нгуена Конг Фуга  Вьетнам менен Иордания оюну;

Түштүк Кореялык Ким Джин-Су  Бахрейнге каршы оюнда;

Катарлык оюнчу Бассам аль Рави Иракка каршы оюнда.