Айжан Байзакова ток шоунун алып баруучусуна нааразы

Казакстандын аты чуулуу блогери Айжан Байзакова жергиликтүү телеканалдардын бириндеги "Өз оюм" ток шоунун алып баруучусу Алмас Алтай аттуу журналистке нааразычылыгын билдирди. Бул тууралуу Байзакова өзүнүн инстаграм баракчасынын "stories" бөлүмү аркылуу жазып чыкты.

Маалым болгондой бул ток шоу коомдогу актуалдуу делген теманын алкагында сөз кылуучу көрсөтүү.

Бул көрсөтүү жалгыз эле Айжан Байзакованын эле эмес көпчүлүк казак элинин кыжырын келтирээрин "youtube" каналындагы пикирлер жазылган бөлүмдөн байкоого болот.

Көрсөтүү "эркин" өткөрүлгөндүктөн алып баруучулар да өз пикирин айта алат. Алар каалаган жерден көрсөтүүнүн каарманын күнөөлөй же сындай алышат. Дал ушул "тартиптен" улам бул берүү дайыма эл сынында.