Айымдар үчүн эң пайдалуу диета

Адистердин айтымында эт жана курамында шекер көп болгон азыктар айымдардын ден соолугуна өтө кооптуу экендигин айтышат. Ал ортодо эксперттер айымдарга көбүнчө жашылчаларды жана мөмө-жемиштерди колдонуусун сунуш кылат. Бул тууралуу адистердин сунуштарына таянып "Барометр" билдирет.

Эксперттер изилдөөгө 25 000 айымды сыноого алган. Алар 12 жыл аралыгында эттин ордуна балыкты, тоок этин колдонгон. Мындай тажрыйба менен алар өздөрүн башка кызыл эт колдонгондорго салыштырмалуу алда канча физикалык жактан күчтүү болуп, ден соолугу бекем болгондугу айтылат.

Экспериментке катышкан айымдар эртең менен жумуртка менен жашылча жемиштерди колдонсо, түшкү тамакка балык же тоок этин жана кечкиге сууга бышырылган күрүч колдонгон.