Айсулуу Тыныбековага Азия оюндарындагы алтын медалды тагынышы ыктымал

Азиянын олимпиадалык кеңеши Индонезиянын Жакарта жана Палембанг шаарларында өткөн жайкы Азияда оюндарындагы спортчуларга карата жүргүзүлгөн допинг-тесттин жыйынтыгын жарыялады. Анда эркин күрөш боюнча 62 кг чейинки салмактагы кыз-келиндер арасында алтын тагынган моңголиялык Орхон Пуревдорждун канынан тыюу салынган зат табылганы айтылат.  

Мындан улам Азия Олимпиада кеңеши монголиялык балбан кыз Орхон Пуревдорж «кызытма колдонгон» деген негизде алтын медалдан ажыратты. 

Белгилей кетсек, Орхон Пуревдорж Индонезияда өткөн Азия оюндарында кыз-келиндер арасындагы күрөштө 62 килограммга чейинки салмакта биринчи орунду алган. Эми алтын медал бул беттеште экинчи орунду алган кыргызстандык балбан Айсулуу Тыныбековага берилиши керек.