Айсулуу Тыныбекова тренерине: "Сиз чемпиондорду тарбиялаган көрөгөч адамсыз"

Эркин күрөш боюнча дүйнөнүн эки жолку чемпиону Айсулуу Тыныбекова тренери Нурбек Изабековго ыраазычылыгын билдирди. Бул тууралуу чемпион кыздын соцтармактагы баракчасына жазылган маалыматка шилтеме берип “Барометр” билдирет.

“Спорт менин жашоомдо эң маанилүү тармактардын бири! Спорт аркылуу мен айланамдагы мыкты адамдарды таптым. Алардын бири менин машыктыруучум Нурбек Изабеков. Агайым ар бир мелдештин, жеңиштин аркасында туруп бизди багыттайт, шыктандырат.

Спортко келгенимде мага ишенип, жол көрсөтүп өстүргөнүңүз үчүн ыраазычылык айтам. Сиз чемпиондорду тарбияладыңыз.

Алдыга койгон максаттарыбызга ийгиликтүү жетишүүгө аракет кылабыз.

Сиз дүйнөдөгү эң көрөгөч жана айкөл адамсыз. Өмүрүңүз узун, жашооңуздун ар бир күнү маңыздуу өтсүн.

Рахмат сизге!”, - деп жазды Тыныбекова.