Айсулуу Тыныбекова дүйнө чемпионатына даярдыкты баштады

Эркин күрөш боюнча Кыргызстандын курама командасы Россияда окуу-машыгуу иштерин өткөрөт. КРнын Жаштар иши, дене тарбия жана спорт боюнча мамлекеттик агенттиктин маалымат кызматынын билдирди.

 Аталган маалыматка караганда 6 спортчу кыз катышкан Кыргызстандын командасынын машыгуулары Москвада 10-июнда башталды.

«Айсулуу Тыныбекова жана Мадина Надирова дүйнө чемпионатына, калган кыздар юниорлор арасындагы Азия чемпионатына даярдык көрөт», - деп билдирди агенттиктин маалымат кызматы.

Чоңдор арасында дүйнөлүк чемпионат 14-22-сентябрда Казакстанда өтөт. Ал жакта Токиодогу Олимпиадалык оюндарга биринчи жолдомолор ойнотулат. Жаштар арасында Азия чемпионаты 9-14-июнда Таиландда өтөт.

Машыгуулар 22-июнда аяктайт.

Эркин күрөш боюнча Кыргызстандын кыздар командасынын курамы:

55 кг чейин — Мадина Надирова

62 кг чейин — Айсулуу Тыныбекова

57 кг чейин — Нураида Анаркулова (юниор)

59 кг чейин — Назира Марсбек кызы (юниор)

68 кг чейин — Мээрим Жуманазарова (юниор)

76 кг чейин — Айпери Медет кызы (юниор).