Айсулуу Тыныбекова: Баардык штрихтердин даана тартылганына таң калам

Олимпиаданын күмүш медалынын ээси, спортчу Айсулуу Тыныбекова Бишкектеги имараттын дубалына тартылган өзүнүн сүрөтү үчүн сүрөтчүлөргө ыраазычылык билдирди. Бул тууралуу Тыныбекова өзүнүн социалдык баракчасына жазганын “Барометр” маалымдайт.

“Мен DOXA Art-group арт-тобуна жана баардык демигечилерге бул креатив үчүн чын дилимден ыраазычылык билдирем.Мен биздин өлкөнүн чар тарабында жергиликтүү көрүнүктүү жайларга айланган DOXAнын эмгектерин көптөн бери байкап жүрөм. Баардык сүрөттөрдүн штрихтеринин даана тартылганы жана сабаттуу түс гаммасына таң калам.

Биздин өлкөнүн стрит-артын өнүктүрүүгө кошкон зор салымыңыздар үчүн сиздерге чоң ырахмат. Бул абдан кооз жана эргүү бере турган индустрия!”,-деп жазды Айсулуу Тыныбекова.

Ал ошондой эле сүрөттүн фонунда түшкөн өзүнүн сүрөтүн жүктөдү. 

“Бул мурал Токтогул жана Абдрахманов көчөлөрүнүн кесилишинде жайгашкан имаратка тартылган”,-деп жазды ал сүрөттүн алдында.