Айсулуу Тыныбекова аэропорттон кимди издеди?

“Олимпиада оюндарынын күмүш медалынын ээси Айсулуу Тыныбекова “Манас” аэропортуна учуп келгенден кийин бирөөлөрдү издеп жатты”,-деп жазат “Барометр”.

Басма сөз жыйыны башталган, бирок Айсулуу бирөөгө телефон чалды. Жооп ала албаган соң залды бир сыйра карап чыкты.

Бир учурда Айсулуу ата-энеси менен бир тууганын көрүп калды. Басма сөз жыйыны болуп жатканына карабай, ал апасына жөнөдү. Кызы менен эненин жолугушуусу-алар бири-бирин ушунчалык сагынганын көрсөттү.Албетте көздөрүнө жаш алышты.

Бүгүн, 7-августта Кыргызстанга Токиодогу Олимпиада оюндарына катышкан спортчулар кайтып келишти. Айсулуу Тыныбекова  жана Акжол Махмудов күмүш медаль алышты, Мээрим Жуманазарова кол медалга ээ болушту.