Айгышкан кармаш. Чолпон-Атада көк бөрү таймашы башталды

Чолпон-Атада Нооруз майрамына карата республикалык көк бөрү таймашы башталды. Бул тууралуу Жаштар иштери, дене тарбия жана спорт боюнча мамлекеттик агенттиктин маалымат кызматына шилтеме берип "Барометр" билдирет.

Маалыматка ылайык, жогорку лигага жалпы 6 команда катышса, биринчи лигага өлкөнүн бардык аймактарынан 21 команда катышууда.

Оюун 13-мартта башталган.

Жогорку лигадагы мелдештердин биринчи күнүнүн жыйынтыгы боюнча:

Сары-Озон (Чүй областы) 11:6 Жаш-Күч (Баткен областы);

Достук (Ош облусу) 7:2 Ала-Тоо (Ош шаары).

Финал 21-мартта болот. Ошондой эле, турнирдин алкагында спорттун улуттук түрлөрү "эр эңиш", "ат чабыш" жана "салбуурун" боюнча да мелдештер болот.