Айгерим Расул кызы: Өзүмдүн буга чейин болуп көрбөгөндөй концертимди тартуулайм!

Ырчы Айгерим Расул кызы Кыргызстандын жети дубанын кыдырып отчеттук концертин тартуулайт. Бул тууралуу ырчы өзүнүн социалдык баракчасы аркылуу кабарлаганын “Барометр” маалымдайт.

“Кудай буюрса, 10-октябрда Бишкекте өзүмдүн отчёттук өзгөчө, буга чейин болуп көрбөгөндөй “Шоу концертимди” элиме тартуулайын деп жатам. Ушул эле концертти жети областты кыдырып да тартуулайм! Мага ийгилик каалап коюңуздар алтындарым”,-деп кайрылды күйөрмандарына ырчы айым.

Эскерте кетсек, ырчы Айгерим Расул кызы Бишкек шаарында туулган. 2009-жылы мектепти аяктап, Бүбүсара Бейшеналиева атындагы Кыргыз мамлекеттик искусство институтуна тапшырган. Жеке ырчы катары “Түнкү Бишкек” аттуу ыры менен элге таанылган.