Айдоочулар кышкы мезгилге даярдык көрүүсү заарыл

Айдоочулар кышкы мезгилге даярдык көрүүсү заарыл. Бул туурлауу Жол кыймылынын коопсуздугун камсыздоо башкы башкармалыгы эскертет.

Жол кыймылынын коопсуздугун камсыздоо башкы башкармалыгы бардык айдоочуларга, өзгөчө алыскы жана тоолуу аймактарга каттаган жарандарга, кыш мезгилине байланыштуу төмөнкү чараларды өз убагында көрүүнү эскертет:

• унаанын дөңгөлөктөрүн кышкы абалга ылайык алмаштыруу; 
• кыймылдаткыч (двигатель) майларын өз мөөнөтүндө жаңылоо; 
•  унаанын жалпы техникалык абалын текшерүү жана кышка даярдап коюу.

Аталган талаптардын аткарылышы жол кыймылынын коопсуздугун камсыздоого жана кырсыктардын алдын алууга багытталган.

Ошондой эле 2025-жылдын 15-октябрынан тартып 2026-жылдын 1-майына чейин Ош–Бишкек багыты боюнча жүргөн жүргүнчүлөрдү ташуучу коомдук унаалардын (автобустар, маршруттук унаалар) кыймылына чектөөлөр киргизилген.

Бул мезгил аралыгында:

• коомдук транспорт «Сосновка» көзөмөл өткөрмө жайынан өткөрүлбөйт;
• техникалык абалы талаптарга жооп бербеген жеке унаалар да каттоого уруксат берилбейт.       

Бул чаралар кыш мезгилинде жол кырсыктарынын санын кыскартуу, ошондой эле жүргүнчүлөрдүн жана айдоочулардын коопсуздугун сактоо максатында кабыл алынды.
ЖКККББ бардык жарандарды жоопкерчиликтүү болуп, унааларын алдын ала кышкы мезгилге даярдоого чакырат.