Айдар Акаевди жерге берүү зыйнатында фото-видеого тартууга уруксат берилген жок

Кыргызстандын биринчи президенти Аскар Акаевдин уулу Айдар Акаев сөөгү бүгүн, 8-февралда, Москва Троекуров көрүстөнүнө коюлду.

Россиядагы кыргыз диаспорасынын өкүлүнүн айтымында, Аскар Акаевдин үйүнө боз үй тигилип, Айдардын сөөгү ошол жерден чыккан. Акыркы сапарга узатуу зыйнатына Акаевдин жакын туугандары, жоро-жолдоштору келген.

Акаевдин үй-бүлөсүн жана туугандары тажыяда сүрөт-видеого тартпоону суранышкан.

Эске салсак, Айдар Акаевдин каза болгону боюнча маалымат 6-февралда тараган. Маркум 10-февралда 44 жашка толмок.

Айрым активисттер анын сөөгүн Кыргызстанга коюуга уруксат берүү керектигин айтып чыгышкан болчу.