Бомбабы? ЦУМда кара кийинип баштык көтөргөн аялды издеп жатышат

Бишкектеги “Айчүрөк” соода борбору бүгүн, 9-августта саат бештер чамасында милиция тарабынан курчоого алынды. Бул тууралуу “Барометр” маалымдайт.

Свердлов райондук ички иштер башкармалыгы берген маалыматка таянсак, саат 16:10дө ЦУМда кара кийинген шектүү аял колуна баштык көтөрүп киргени тууралуу маалымат түшкөн.

Окуя болгон жерге Свердлов РИИБинин жана Бишкек шаардык ички иштер башкы башкармалыгынын кызматкерлери барышты.

Жарандардын коопсуздугун сактоо максатында борбордук дүкөн курчоого алынып, эвакуация жүргүзүлдү. Окуя болгон жерде учурда Улуттук коопсуздук мамлекеттик комитетинин кызматкерлери дагы иш алып барууда.