Абхазиянын президенти отставкага кетти

Абхазиянын президенти Рауль Хаджимба президенттиктен кетти. Бул тууралуу вице-президент Аслан Барциц билдиргенин "Известия" жазды. 

Маалыматка ылайык, Хаджимбанын оппозициячыларга болгон кайрылуусун мамлекеттик дачанын алдынан экс-премьер Сергей Шамба окуп берген болчу.

"Мамлекеттеги туруктуулукту сактоо үчүн президенттиктен кетип жатканымды силерге билдирем", — деп айтылат документте.

Абхазияда кайтадан президенттик шайлоо өтөт. Ал 22-мартка белгиленди. Хаджимба журналисттердин "Шайлоого катышасызбы?" деген суроосуна "Бардыгын турмуш көрсөтөт" деп жооп кайтарды.

Белгилей кетсек, Абхазиянын Жогорку соту Борбордук шайлоо комиссиясынын 2019-жылы сентябрдагы кайта шайлоонун жыйынтыгы боюнча чыгарган чечимин мыйзамсыз деп тапкан. Анын айынан өлкөдө нааразычылык акциялары башталган.