Абада учуп жүргөн “Темир киши” учкучтардын айласын кетирди (видео)

Америкалык “American Airlines” авиа компаниясынын учкучу самолёттун жанынан асманда учуп бара жаткан кишини көргөнүн айтып чыкты. Бул тууралуу Fox 11 телеканалынын маалыматына шилтеме берип “Барометр” которду.

Маалыматка ылайык, Лос-Анджелестин аэропортуна конуу учурунда учкуч реактивдүү кыймылдаткычы бар кийим кийген киши алардан алыс эмес аралыкта жолукканын диспетчерге кабарлаган. Жолугушуу учурунда учак 914 м бийиктикте болгон.

Кийинчерээк, ошол эле билдирүү диспетчерлерге болжол менен Sky West авиакомпаниясынын учкучтарынан келип түшкөн.

Телеканалдын маалыматына караганда, Федералдык Тергөө Бюросу (ФБР) окуянын бардык жагдайларын аныктоо иштерин жүргүзүүдө.

2019-жылдын июнь айында Gravity Industries компаниясынын британиялык ойлоп табуучулары реактивдүү кыймылдаткычы бар кийимди шаардык шартта сынап жатканы кабарланган.