8-январда Кыргызстандын айрым аймактарында кар жаайт

8-январда Ысык-Көл облусунун көпчүлүк аймактарында, Чүй, Нарын облустарынын кээ бир райондорунда, Ош, Жалал-Абад облустарына кар жаашы мүмкүн. Бул тууралуу “Кыргызгидромет” борбору берген маалыматка таянып “Барометр” билдирет.

Жолдорго муз тоңот. Батыш тараптан жел согуп турат, Ысык-Көл ойдуңунда шамал болот.

Абанын температурасы:

Чүй облусунда -3...-8°;

Талас облусунда -1...-6°;

Баткен, Жалал-Абад, Ош облустарында -1...-6°;

Ысык-Көл облусунда -4...+1°;

Нарын облусунда -8...-13°;

Бишкек шаарында эртең менен кар жаашы мүмкүн. Күндүз жаан-чачын болбойт. Туман түшүшү мүмкүн. Абанын температурасы -6…-8° болот.