Дайынсыз болуп жаткан белгилүү казак блогеринин жансыз денеси табылды

Казакстандык белгилүү блогер, вайнер жана КВН оюунчусу Мурат Бирмагамбетов каза болду. Бул тууралуу жергиликтүү басылмаларга шилтеме берип “Барометр” билдирет.

Мурат Бирмагамбетов Марс Откатович жана Мура Мариарчи псевдонимдери менен белгилүү болгон.

Актөбө шаарынын тургуну Мурат Бирмагамбетов дайынсыз болуп, бүткүл шаар издеген. Ал 19-ноябрдан бери дайынсыз жоголуп жаткан. Ал үйдөн чыгып кеткен боюнча кайрылып келбегени маалымдалган.

Блогер, вайнер, юморист, волонтер, Актобе КВН командасынын мурдагы капитаны Мурат Бирмагамбетов кайрымдуулук иштери менен да белгилүү. Ал пикирлеш адамдар менен биргеликте “100 дос” долбоорун түзгөн. Достор биригип,жардамга муктаж үй-бүлөлөргө жардам берип келишкен.

27-ноябрда анын жансыз денеси табылганы маалым болду.
Өлүмдүн себеби азырынча айтылган эмес.