6-кичи райондон чыккан өрттөн бир адам каза болду (Видео)

Бүгүн Бишкек шаарындагы 6-кичи райондон чыккан өрттөн бир адам каза болду. Бул тууралуу  ӨКМден кабарлашты.

Сухэ-Батор көчөсүндө жайгашкан имараттагы тандыр күйүп жаткандыгы тууралуу маалымат 15:48де келип түшүп, тилсиз жоого каршы бир бригада жөнөгөн.

"Өрт саат 16:45те чектөөгө алынды, өрттүн кесепетинен бир адам каза болду. Азыр ким экендиги такталып жатат", — деп айтылат маалыматта.

Өрттү толук өчүрүү үчүн учурда ал жерде ӨКМ кызматкерлери иштеп жатат.