25-майдан тарта Бишкекте коомдук транспорт иштеп баштайт

Бишкек шаарында 25-майдан тарта коомдук транспорт иштей баштарын биринчи вице-премьер-министр Кубатбек Боронов маалымат жыйында айтты.

“25-майдан тарта Бишкекте коомдук унаа: автобустар жана троллейбустар, иштей баштайт. Аралыкты жана санитардык ченемдерди так сактоо боюнча катаал талаптар коюлат. Жүргүнчүлөрдүн баары беткап тагынууга милдеттүү”, - деди ал.

Эске салсак, коронавирус илдетинен улам Бишкек шаарында санитардык-карантиндик нормалардын талаптары боюнча коомдук транспорттордун иштөөсүнө тыюу салынган болчу.