2018-жылдагы бюджетти толтура албаган Бажы жана Салык кызматтарынын башчылары кызматынан кетирилген

Мамлекеттик Бажы жана Салык кызматтарынын башчылары 2018-жылдагы бюджетти толтура албагына үчүн кызматынан кетирилген. Мындай маалыматты вице-премьер-министр Замирбек Аскаров бүгүн Жогорку Кеңештин финансы жана бюджет комитетинин жыйынында айтты.

Комитет бүгүн 2018-жылдагы бюджеттин аткарылышын карады. 

Депутат Зиядин Жамалдинов казынаны толтура албай калган мамекеттик мекемелерге, жетекчилерине карата кандай чаралар көрүлөрүнө кызыкты. Буга жооп кылып вице-премьер бул эки мекеменин жетекчилери кызматынан алынып, бир катар кызматкерлерге сөгүш берилип, ротация жүргүзүлгөнүн айтты.