15 жылга чейин камалат. Өзбекстанда 18 баланын өлүмүнө себеп болгон дарыны саткандар кармалды

Сасык тумоого каршы индиялык дарыдан 18 бала каза болгондон кийин Өзбекстанда кылмыш иши козголду. Бул тууралуу Өзбекстандын мамлекеттик коопсуздук кызматынын маалыматына шилтеме берип “Барометр” билдирет.

Сасык тумоого каршы «Док-1 Макс» дарысын ичкен 18 баланын өлүмүнөн кийин «Курамакс Медикал» (дарыны импорттоочу) жана «Дарыларды стандартташтыруу илимий борбору» ЖЧКсынын кызмат адамдарына кылмыш иши козголгон. 

 "Күчтүү заттарды камтыган дары-дармектерди рецепт боюнча чекене сатуунун тартибин бузуу" деген берененин негизинде кылмыш иши козголгон. 

Жүргүзүлгөн иликтөө иштеринин алкагында буга чейин дары-дармек алып келген компаниянын кызматкерлери кармалган. Бул берене боюнча эң жогорку жаза 15 жылга эркинен ажыратылат.