11-майдан тарта кайсы тармактар иштеп баштайт? Видео

Өкмөт башчы Мухаммедкалый Абылгазиев 11-майдан тарта Кыргызстанда бир катар тармактар өз ишин баштай турганын республикалык штабдын жыйынында айтты.

Абылгазиев кайсы тармак иштеп баштай турганы боюнча алдын ала тизме түзүлгөнүн билдирип, алардын бардыгы дарыгерлер менен макулдашылганын белгиледи.

Ага ылайык, финансылык кызмат көрсөтүү, калкты тейлөө кызматтары, соода тармагы, анын ичинде курулуш материалдарын саткан дүкөн менен базарлар, автотетиктерди саткан жайлар, тигүү жана булгары иштетүүчүлөр, автосалон иштеткендер өз ишин баштайт. Андан сырткары жалпыга маалымдоо каражаттары ишке чыгат.