11-апрелде Ат-Башы суусуна чөгүп кеткен баланын сөөгү табылды

Чүй областынын Константиновка айылындагы сууга чөгүп кеткен  төрт жаштагы баланын сөөгү табылды. Бул тууралуу КРнын Өзгөчө кырдаалдар министрлигинин басма сөз кызматынан кабарлашты.

Баланын сөөгүн бүгүн, 19-апрелде болжол менен саат 12:15те Бирлик менен Гроздь айылдарынын ортосунда Чу суусунан, бала сууга агып кеткен жерден 12-13 чакырым алыстыкта табышты.

Эскерте кетсек, бала 11-апрелде Ат-Башы суусуна чөгүп кеткен. Аны издөөгө 100дөн ашык куткаруучу тартылган. Ошондой эле издөө иштерине Казакстандын Өзгөчө кырдаалдар министрлигинин кызматкерлери дагы көмөктөшкөн.