Япониянын премьер-министринин ден соолугу кескин начарлады

Япониянын өкмөт башчысы Синдзо Абэнин ден соолугу акыркы аптада кескин начарлаган. Ага байланыштуу отставкага кетип жатат. Бул тууралуу чет элдик маалымат булактарына шилтеме берип "Барометр" билдирет.

Маалыматка ылайык, премьер-министр мындай чечимди саламаттыгына байланыштуу кабыл алган.

Синдзо Абэ жон ичегесинин сезгенүүсү менен жабыркап келет. 2007-жылы дал ушул оорунун айынан өкмөт башчы кызматын таштоого мажбур болгон. Ал эми саламаттыгы жакшыргандан кийин, тагыраагы 2012-жылы премьер-министр болуп кайра шайланган.

Акыркы текшерүүлөрдө анын өнөкөт оорусу күчөгөндүгү, ошондой эле кызматтык милдеттерин аткарууда кыйынчылыктар жаралып жаткандыгы айтылган.