1-ноябрдан тартып электр жарыгы өчүрүлбөйт

Энергетика министрлиги электр энергиясын кыйгас өчүрүүгө жол бербеш үчүн баардык чараларды кабыл алат. Бул тууралуу аталган ведомствонун басма сөз кызматына таянуу менен “Барометр” кабарлайт.

Бекитилген графикке ылайык, 2021-жылдын октябрь айынын соңуна чейин энергетикалык объектилерде ремонт иштери бүткөрүлөт.1-ноябрдан тартып ремонт жумуштары үчүн электр жарыгын өчүрүү болбойт.

“Бирок авариялык жагдай келип чыкса жарык аны калыбына келтиргенге чейин өчүрүлөт.Калган учурда электр жарыгы үзгүлтүксүз берилет”,-деп айтылат маалыматта.

Өткөн жылы пандемиядан улам энерго объектилерде ремонт иштери болгон эмес. Быйыл баардык жабуулар капиталдык ремонттон өткөндүктөн өчүрүүлөр болгон.