Нариман Түлеевдин соода борбору менчиктештирилет

Бишкектин мурдагы мэри Нариман Түлеевдин “Караван” соода борбору менчиктештирилет. Бул тууралуу Мамлекеттик мүлктү башкаруу фондунун төрагасы Ренат Тулебердиев парламентте өткөн жыйында билдирди.

""Караван" соода борбору менчиктештириле турган объектилердин тизмесине кирди",-деп айтты Тулебердиев.

Эскерте кетсек, «Караван» соода борборун мурдагы баш калаанын мэринин менчик объектилери менен бирдикте конфикациялашкан.Соода борбору 2017-жылы апрель айында мамлекеттин карамагына өткөн.

Нариман Түлеев коррупция беренеси боюнча айыпталып соттолгон.