Жоомарт Оторбаевдин апасы, профессор Мария Нанаева каза болду

Мурдагы премьер-министр Жоомарт Оторбаевдин апасы, профессор Мария Нанаева каза болду.

Кечээ, кыргыз медицинасынын көрүнүктүү өкүлү, медицина илиминин доктору, профессор Мария Нанаева 93 жаш курагында каза болду.

Белгилей кетсек, Мария Нанаева 1927-жылы Талас районуна караштуу Арал айылында төрөлгөн.

Анын негизги эмгектери бийик тоо шартында дарылардын жүрөк кан тамырларга тийгизген таасирин изилдөөгө арналган. 70тен ашык илимий эмгектин (анын ичинде 3 монография) автору. КРнын эмгек сиңирген врачы. «Ардак Белгиси» ордени менен сыйланган.

«Барометрдин» жалпы жааматы Мария Нанаеванын үй-бүлөсүнө терең кайгыруу менен көңүл айтат.