"Жерүй" алтынкенинин кызматкери Данияр Андабаев:Биздин жумуш абдан жоопкерчиликтүү

Күндүн кызматкери рубрикабыздын кезектеги каарманы “Жерүй” алтынкенинин геологиялык бөлүмүнүнүн кызматкери Данияр Андабаев.    

Геолог Данияр Андабаев “Альянс Алтын” компаниясында 2019-жылдан бери эмгектенет.  Андабаев кен казууда геологиялык бөлүмдүн иши чечүүчү мааниге ээ экенин белгилейт. Тагыраагы, бул кызматкерлер казыла элек тоо-кенди изилдеп, анализге жөнөтүшөт.

Анын жыйынтыгында кен жаткан жерде алтындын бар же жок экендиги аныкталат. Андан соң алтын рудасы сорттолуп, алтын чыгаруудагы кийинки иштер аткарылат.  

“Биздин жумуш абдан жоопкерчиликтүү болгондуктан, бардык кесиптештерибиз  менен так жана туура иштөөгө аракет кылабыз, биздин бөлүмдөгү кызматкерлер  жоопкерчиликтүү кесипкөй адистер”, - дейт ал.