Жээнбековдон коронавирус аныкталган жок

Сооронбай Жээнбековдун коронавируска тапшырган тести таза чыкты. Бул тууралуу Президенттин басма сөз кызматына таянып "Барометр" билдирет. 

Мамлекет башчысынын тапшырган анализинин жыйынтыгы таза чыкты. Президент өз алдынча обочолонууда болууну улантат жана ишин аралыкта жүргүзөт.

"Президенттин Аппаратынын тышкы саясат бөлүмүнүн башчысы Данияр Сыдыков менен күзөт кызматынын кызматкеринен коронавирус инфекциясы тастыкталды. Аларда илдет белгилери жок өтүп жаткандыктан, бүгүнтөн тарта үйдө обочолонуу шартында дарыланышат", - деп айтылат маалыматта.

Делегациянын калган мүчөлөрү менен коштоп барган адамдардын илдетке карата кайрадан тапшырган анализдери таза чыкты. Алардын өз алдынча обочолонуу шартында болуусу уланууда.