Жазаларды аткаруу мамлекеттик кызматынын бир катар кызматкерлери батирлүү болушту

Бүгүн Жазаларды аткаруу мамлекеттик кызматынын бир катар кызматкерлери батирлүү болушту. Бул тууралуу жазаларды аткаруу мамлекеттик кызматынын коомчулук менен иштөө бөлүмүнөн кабарлады.

Маалыматтка ылайык, кызматкерлерге Чүйдүн Сокулук районунун Жаңы-Жер айылында 24 батир берилди.

Турак үйлөрдүн ачкычтарын тапшыруу салтанатына Коопсуздук Кеңешинин катчысы Дамир Сагынбаев катышты.

Кошумчалай кетүүчү жагдай, көп батирлүү бул турак жай өткөн жылдын 28-декабрында бүткөрүлгөн. Анда бир бөлмөлүү 12 батир бар. Ошондой эле 6 эки бөлмөлүү, 6 үч бөлмөлүү батирлер.

Курулушка 44 миллион сом сарпталганы маалыматта айтылат.