Өзбекстандын популярдуу ырчысы жашы жете элек кызды зордуктаганы үчүн соттолот

Өзбекстанда популярдуу ырчысы Жасур Умиров жашы жете элек кызды зордуктады деген айып менен сот жообуна тартылат. Андан башка дагы эки адамга кылмышты жашырганы жана жалган көрсөтмө бергени үчүн айып тагылды. Бул тууралуу Gazeta.uz сайтына шилтеме берүү менен “Барометр” билдирет.

"5-январда Самарканд облусунун прокуратурасы ырчы Жасур Умировдун кылмыш ишинин материалдарын Самарканд облустук сотуна өткөрүп берди", - деп айтылат маалыматта.

Прокуратуранын маалыматы боюнча, 34 жаштагы ырчы 21-декабрда Самарканд облусундагы лицейлердин биринин 16 жаштагы окуучусун зордуктоо боюнча козголгон кылмыш ишинин алкагында камакка алынган. Ырчыга "18 жашка чейинки өспүрүмдү билип туруп зордуктоо" беренеси боюнча айып тагылды. Ушул берененин санкцияларында 10 жылдан 15 жылга чейинки мөөнөткө эркинен ажыратуу жазасы каралган.

"Жасур Умировдун күнөөсү топтолгон далилдер менен толук далилденди (соттук-медициналык экспертизанын корутундусу жана башкалар)", - деп айтылат прокуратуранын маалыматында.

Буга чейин, жабырлануучу жана анын атасы маек берип, кыз ырчы аны алкоголдук ичимдик ичүүгө мажбурлаганын, андан кийин каршылык көрсөткөнүнө карабай аны менен жыныстык байланышта болгонун айткан.

Жабырлануучу кыз шок болгонун айтып, көчөгө чуркап чыккан. Ал жерде ырчынын жолдоштору аны күтүп турушкан, аны унаага отургузуп, көрүстөндүн жанына алып барып, бычак менен коркутуп, анан кайра алып келишкен. "Кыз" эместигин айтып, ырчы кайрадан аны зордуктаган.

Басылма ырчынын өзү менен байланышканда, ал эч кимди эч нерсе кылууга мажбурлаганын айткан. Ал ошол күнү болгон окуялардын бардыгы кыздын өзүнүн өтүнүчү менен болгонун айтты.

"Биз анын жашы жете электигин билген эмеспиз. Канча жаштасың деп сурадык, ал 19 деп жооп берди. Кыздын атасы "шантаж кылып жатат". Ал үй алып бер деп жатат. Биздин жумушта мындай окуялар көп болуп турат", - деди ырчы.