Өзбекстандын белгилүү актеру Мирза Азизов каза болду

Өзбек Эл артисти, актер Мирза Азизов каза болду. Бул тууралуу жергиликтүү UPL маалымат агенттиги жазган маалыматка шилтеме берип "Барометр” билдирет.

Маалым болгондой, актер бүгүн, 16-апрелде коронавирус илдетинен улам каза болгон.

Ал 1963-жылы Өзбекстандын Наманган облусуна караштуу Чуст шаарчасында туулган.

Белгилей кетсек, Азизов акыркы жылдары "Мукимий” атындагы театрды жетектеп келген. Актер 2002-жылы "Испытания любви” тасмасынан кийин кеңири популярдуулукка жеткен.  Ал бир нече тасмаларда жана театрдагы ийгиликтүү родору менен коомчулуктун сүймөнчүлүгүнө арзып келген.