Өзбекстанда сел жүрүп 8 киши каза тапты

Өзбекстандын Наманган областынын Касансай шаарында болгон селдин кесептинен 8 адам көз жумду. Бул тууралуу Өзбекстандын Өзгөчө кырдаалдар министрлигинен алынган маалыматка шилтеме кылуу менен “Барометр” билдирет.

Буга чейин 13-июлда болжол менен саат 13:30 нөшөрлөп жааган жамгырдан улам Касансай шаарында дарыя ташкындап сел каптаганы кабарланган.

ӨКМ маалымдагандай, алдын ала кабарлар боюнча жаратылыш кырсыгынан 8 жергиликтүү тургун каза таап, 6 киши жарадар болду.

Издөө куткаруу иштери уланууда.