Түн ичинде тамактануучу жай жана кийим сатуучу дүкөн өрттөнүп кетти

Бир түндө тамактануучу жай жана кийим саткан дүкөн өрттөнүп кетти. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, 28-июлга караган түнү Бишкек шаарынын Ленин районуна караштуу Өмүракунов көчөсүндө жайгашкан кафеден өрт чыккан.

"Кафенин жабык залы, жайкы тапчандарынын чатыры, 6 муздаткыч күйгөн.

Ошондой эле, тамактануучу жайга жакын жайгашкан кийим сатуучу дүкөндүн чатыры, кийим- кечелер жана имараттын ички жасалгасы күйгөн.

Өрттү өчүрүүгө саат 01:59да Ленин райондук №6 ӨКБдан 1 бөлүм, кошумча саат 02:10до Биринчи Май райондук №4 ӨКБдан 1 бөлүм, саат 02:15те Биринчи Май райондук №4 ӨКБдан 1 бөлүм, жалпы 3 бөлүм тартылган. Өрт саат 02:50дө чектөөгө алынып, саат 04:38де толук өчүрүлгөн.

Такталган маалыматка ылайык өрттүн жалпы аянты 250 чарчы метрди түзөт. Жабыркагандар жок", -деп айтылат маалыматта.