Тазабек Икрамов бир мандатуу шайлоо округунан жарышка аттанат

Жогорку Кеңештин депутаты Тазабек Икрамов бир мандаттуу шайлоо округунан парламенттик шайлоого катышуу үчүн документтерин тапшырды. Бул тууралуу Борбордук шайлоо комиссиясынан кабарлашканын “Барометр” маалымдайт.

Ал Жалал-Абад областынын №13 Сузак шайлоо округунан шайлоого катышууга ниеттенүүдө.

Алтынчы чакырылышка Икрамов «Өнүгүү-Прогресс» партиясынын тизмеси менен өтүп келген.Эки жылдан кийин тартип эрежесин бузгандыктан фракциядан чыгарылган.

Бир мандаттуу округдан ат салыша турган талапкерлер БШКга 18-октябрга чейин саат 18.00дөн кечикпей документ тапшыруулары керек.

Шайлоо 28-ноябрга белгиленди.