Таласта токойдөн өрт чыгып, 1 гектарга жакын аянты күйүп кетти

Талас облусунун Бакай-Ата районундагы токой өрттөнүп кетти.

Маалым болгондой, өрт кырсыгынын кесепетинен токойдун 1 гектарга жакын аянты күйүп кеткен. 

“Өрттү өчүрүүгө саат 09:01де  Талас шаардык №17 ӨКБдан 1 бөлүм, саат 09:42де 1 бөлүм, кошумча  саат 09:56да Бакай-Ата  райондук №93 ӨКБдан 1 бөлүм, жалпы 3 бөлүм тартылган.

Саат 10:47де өрт чектөөгө алынып, 12:55те толук өчүрүлдү.

Өрттү өчүрүүгө куткаруучулардан сырткары Бакай-Ата токой чарбасынан 22 кызматкер, жергиликтүү тургундан 6 адам катышкан.

Болжол менен  өрт кырсыгы 1 гектарга жакын аянтты каптаган.

Бактыга жараша жабыркагандар жок. Учурда өрттүн келип чыгуу себеби такталууда”, - деп айтылат маалыматта.