Сууда сүзүүчү Денис Петрашов турнирде эки коло медаль алды

Кыргызстандык сууда сүзүүчү Денис Петрашов "Марк Нострум" мелдешинде эки коло медалга ээ болду. Бул тууралуу Кыргызстандын Сууда сүзүү федерациясы билдирген маалыматка шилтеме берип “Барометр” билдирет.

Маалыматка ылайык, ал брасс ыкмасы менен 50 метр аралыкты 28,30 секундада, ал эми 200 метрди 2 мүнөт 12,18 секундада сүзүп өтүп, натыйжада эки коло алган.

Эскерте кетсек, Петрашов 2019-жылы Түштүк Кореяда өткөн дүйнө чемпионатында сууда сүзүүнүн брасс түрүнөн 100 метр аралыкты 1 мүнөт 0,94 секундада сүзүп өтүп, Токио Олимпиадасына жолдомо утуп алган.