Самат Курманкулов «Эрдик» медалы менен сыйланды

Бүгүн 1-ноябрда Чүй облусунун ички иштер башкы башкармалыгынын жетекчиси, милициянын полковниги Курманкулов Самат Ажыгулович «Эрдик» медалы менен сыйланды. Тиешелүү жарлыкка президент Сооронбай Жээнбеков кол койгонун басма сөз билдирди.

С.Курманкуловго медаль коомдук коопсуздукту сактоону камсыз кылууга кошкон салымы, ошондой эле кызматтык милдеттерин жоопкерчиликтүү аткаргандыгы үчүн ыйгарылды.

Самат Курманкулов 7-августта Кой-Таштан баш мээсинен жаракат алган. Бишкек шаардык травматология жана ортопедиялык илимий изилдөө борборунан ага эки жолу операция жасалган. Азыркы күндѳ ал Москада даарыланып жатат.