Садыр Жапаров расмий иш сапар менен Тажикстанга барат

Президент Садыр Жапаров 28-29-июнда расмий иш сапар менен Тажикстанга барары аталган өлкөнүн Тышкы иштер министрлигинин сайтында жарыяланды.

Бирок тараптар кандай маселелерди талкуулай турганы азырынча белгисиз.

Президент Садыр Жапаровдун администрациясы жана Кыргызстандын Тышкы иштер министрлиги алдыда боло турган иш сапар тууралуу азырынча маалымат бере элек.

Бул Садыр Жапаровдун Тажикстанга жасай турган алгачкы сапары болмокчу.

Эки өлкөнүн ортосунда буга чейин куралдуу чек ара жаңжалы чыккан.1-майда тараптар элдешүү келишимине келишкен.