Садыр Жапаров Казакстандын президенти менен телефон аркылуу сүйлөштү

Бүгүн, 18-майда, Кыргызстандын президенти Садыр Жапаров менен Казакстандын президенти Касым-Жоомарт Токаевдин телефондук сүйлөшүүсү болду. Бул тууралуу президенттин Басма сөз кызматынын маалыматына таянып "Барометр" билдирет 

Садыр Жапаров Касым-Жоомарт Токаевди туулган күнү менен куттуктап, ага чың ден соолук, бакубатчылык жана мамлекеттик ишмердигине мындан аркы ийгиликтерди каалады.

Садыр Жапаров кыргыз тараптын стратегиялык өнөктөштүктү мындан ары да бекемдөөгө, Казакстан менен саясий, соода-экономикалык жана маданий-гуманитардык байланыштарды кеңейтүүгө даярдыгын билдирди.

Өз кезегинде Касым-Жоомарт Токаев Садыр Жапаровго куттуктоосу жана жылуу каалоолору үчүн ыраазычылык билдирип, боордош өлкөлөр ортосундагы өз ара кызыкчылык туудурган бардык багыттар боюнча кызматташууну мындан ары да тереңдетүүгө даяр экенин баса белгиледи.