Режиссёр Болот Шамшиевдин унаасын уурдап кетип, өрттөп салган шектүү балдар кармалды

Режиссер Болот Шамшиевдин унаасын уурдап кетип, өрттөп салган шектүү балдар кармалды. Бул тууралуу Бишкек шаардык ИИБден билдиришти. 

Кылмышка шектуүлөр жаш балдар болушкан, тактап айтканда 1994-жылы туулган Ш.К жана 1993-жылы туулган Л.Ю аттуу жарандар экендиги такталды. 

Маалыматта айтылгандай, аларды учурда убактылуу жайга камап, сурак иштерин жүргүзүп башташты. 

Эске салсак, режиссер Болот Шамшиев унаасын уурдатып жибергени тууралуу милицияга 10-ноябрда арыз менен кайрылган. Арыздын негизинде иш козголуп, Мерседец-Бенц үлгүсүндөгү унаа Чүй облусунун Милянфан айылынан өрттөлгөн, темири эле калган абалда табылган.