Путинге Олимпиада оюндарына жана Дүйнө чемпиондугуна барууга тыюу салынды

Спорт арбитраждык соту (CAS) Россиянын президенти Владимир Путинге Дүйнө чемпиондугуна жана Олимпиада оюндарына барууга тыюу салды. Бул тууралуу уюмдун сайтында жазылган маалыматка таянып “Барометр”  билдирет.

Мамлекет башчысынан тышкары, тыюу салуу Россиянын бүткүл өкмөтүнө тиешелүү: министрлер жана алардын орун басарлары, премьер-министр жана анын орун басарлары, ошондой эле Мамлекеттик Думанын депутаттары. Мындан тышкары, мамлекеттик уюмдардын жетекчилери жана орун басарлары, бүтүндөй президенттик администрация жана Россиянын Тергөө комитетинин кызматкерлери мелдештерди көрүүгө катыша алышпайт.

Бирок тыюу салууда өзгөчө жагдайлар каралган. Стоп-тизмедеги адам мелдешке катыша алат, эгерде ал турнир өткөрүлө турган өлкөнүн президенти же премьер-министри тарабынан жеке чакырылган болсо, ошондой эле, ал Эл аралык олимпиада комитетинин (ЭОК) же Эл аралык паралимпиадалык комитеттин (ЭПК) мүчөсү болсо. Мындан тышкары, тыюу спортчуларга жана алардын команда мүчөлөрүнө тиешелүү эмес.

Буга чейин, 17-декабрь, бейшемби күнү, CAS орусиялык спортчуларга эл аралык мелдештерге өз өлкөсүнүн желегин көтөрүп чыгууга жана Россияда ири турнирлерди өткөрүүгө эки жылдык тыюу салууну бекиткен.

Россиянын Дүйнөлүк допингге каршы агенттигине карата арызданган сот иши ноябрь айында башталды. Орус тарап эл аралык уюм тарабынан киргизилген санкцияларга каршы чыгууну көздөп жатат.