Оштогу май куючу жай жарылды, үч адам жарадар

Ош шаарында май куючу жайда жарылуу катталды. Бул тууралуу бүгүн Өзгөчө кырдаалдар министрлигинин басма сөз кызматынан кабарлашты.

Окуя “Түштүк-Чыгыш” кичи районунда кечээ, 20-мартта саат 20:16да катталган

“Жарылуудан үч адам жаракат алып, ооруканага жеткирилди. 59 жаштагы Ш. М.нын абалы орточо, 36 жаштагы А. уулу А кайра жандандыруу бөлүмүндө жатат. 28 жаштагы К. уулу К. Ош областтык ооруканасына жаткырылды. Өрттү жети өрт өчүргүч машина өчүрүп, бүгүн саат 8:10до гана өрт толугу менен чектелди”,-деп кабарлашты. ӨКМдан.