Орто-Сай базарынын өрттөн кийинки көрүнүшү (сүрөт)

Бишкек шаарындагы Орто-Сай базарында 8-ноябрдан 9-ноябрга караган түнү саат 00:16 чамасында ири өрт чыккан. Базардын өрттөн кийинки көрүнүшү тууралуу соцтармактын колдонуучулары сүрөттөр менен бөлүшүп жатышат.

Алоолонгон өрттү өчүрүүгө ӨКМнын беш унаасы тартылып, эки саат дегенде, тагыраагы 02:16да өрттү толук өчүрүшкөн.

Жеринде ИИМдин 10 кызматкери жана тез жардам кызматы иш алып барышкан.

Алдын ала маалыматта, өрт электр зымдарынын туура эмес туташуусунан келип чыккан.

"Учурда келтирилген чыгым боюнча маалымат такталып жатат", - деп билдиришти ӨКМ.