Нурсултан Назарбаев дагы бир статусунан ажыратылат

Казакстандын мурдагы президентти Нурсултан Назарбаевдин атындагы Университет, Назарбаев Интеллектуалдык мектептери жана Назарбаев Фондуна байланыштуу мыйзамдар өзгөрөт. Бул тууралуу “Барметр” билдирет.

Бүгүн, 29-июнда Сенаттын депутаттары айрым мыйзам актыларына кесиптик квалификация, мамлекеттик сыйлыктар, социалдык сыйлыктар боюнча өзгөртүүлөрдү жана толуктоолорду киргизүү тууралуу мыйзам долбоорун жактырышты.

Аны ишке ашыруу үчүн бир катар мыйзамдарга, анын ичинде “Назарбаев Университетинин статусу жөнүндө”, “Назарбаев интеллектуалдык мектептери” жана “Назарбаев Фонду” мыйзамдарына өзгөртүүлөр жана толуктоолор киргизилет.  
«Өлкө башчысынын автономдуу билим берүү уюмдарынын жогорку камкорчулар кеңешин түзүү боюнча ыйгарым укуктарын аныктоо боюнча түзөтүүлөр каралууда», - деп жыйынтыктады Сенат. 

Мыйзамдын азыркы редакциясында Жогорку Камкорчулар кеңешинин биринчи төрагасы Нурсултан Назарбаев болуп саналат. Өзгөртүүлөргө ылайык, президент же ал тарабынан дайындалган адам жогорку камкорчулар кеңешинин төрагасы болот.