Москвада жатаканадан чыккан өрттөн 5 мигрант каза болду

Москвада жатаканада чыккан өрттөн каза болгон сегиз адамдын үчөө орус жараны болсо калган бешөө эмгек мигранттары болгон. Бул тууралуу Россиянын ӨКМнын сайтындагы маалыматка шилтеме берип "Барометр" билдирет.

Маалым болгондой, өрт кырсыгы 29-июлга караган түнү болгон.

"Жатаканадагы өрттөн каза болгондордун бешөө мигранттар үчөө орус жарандары болгон. Ал эми, мигранттардын жарандыгы такталууда", — деп айтылат маалыматта.
Ошондой эле, жатаканада жашаган жети адам ууланып ооруканага жаткырылган.

Өрт болгон жерге Орусиянын Өзгөчө кырдаалдар министрлигинин Борбордук аппаратынын комиссиясы барган. Алдын ала маалыматтарга караганда, өрттүн келип чыгуусуна электр зымдарынын бузулушу себеп болушу мүмкүн. 

Каза болгон адамдар баары ууланып калган. Анткени, алар терезелердеги темир торлор болгондуктан секирип кете албай калышкан.