Москва жана Ю. Фучик көчөлөрүнүн кесилишинде жайгашкан ун чыгаруучу завод өрттөнүп жатат

Бишкек шаарындагы Москва жана Ю. Фучик көчөлөрүнүн кесилишинде жайгашкан ун чыгаруучу завод өрттөнүп жатат. Бул туурасында ӨКМ билдирди. Өрттү өчүрүүгө бүгүн таңкы 04:55 тен баштап Бишкек шаарындагы Ленин, Октябрь, Свердлов райондук өзгөчө кырдаалдар бөлүмдөрүнөн куткаруучулар, ошондой эле Бишкек шаардык куткаруу бөлүмүнөн бир штаб кошулуп, бардыгы 5 бөлүмдүн куткаруу кызматкерлери аракет кылып жатышат. Мындан сырткары ИИМ кызматкерлери жана Бишкек Тазалык ишканасынан 4 суу ташуучу унаа тартылган. Кырсыктын себептери азырынча тактала элек. Өрттү өчүрүү иштери уланууда.