Ѳлкѳ башчы иш сапар менен Нарынга барат

Ѳлкѳ башчы Сооронбай Жээнбеков эки күндүк иш сапары менен Нарын облусуна барат. Бул тууралуу президенттин аппаратынын маалыматтык саясат бөлүмү билдирди.

"Президент Сооронбай Жээнбеков өлкөнүн аймактарына иш сапарларын улантууда. 21-22-августта мамлекет башчы Нарын облусуна иш сапары менен барат", - деп айтылат маалыматта.

Иш сапарынын алкагында ѳлкѳ башчы калкты таза суу менен камсыз кылуу, ирригация системаларын калыбына келтирүү долбоорлорун ишке ашыруунун жүрүшү менен таанышат. Нарындын инфраструктуралык жана социалдык-экономикалык мааниси бар объектилерин кѳрѳт.

Андан тышкары  президент алыскы Ак-Талаа районунун тургундары менен жолугушат.