Көздүн алдындагы бырыштар эмнеден улам пайда болот?

Көз-бул адамдын ички жан дүйнөсүн чагылдырып турган орган. Аны сулуулап турган-бул көздөн чыккан нурлар болуп саналат. Кандай учурда көздүн алдына бырыш түшөт? Бул тууралуу адистердин сунуштарына таянып "Барометр" билдирет.

1.Сиз адамдар менен баарлашканда мимикаларыңыз күчтүү иштейт

Айрым адамдар бар сүйлөгөндө эле көзүнөн нуру чачырап, күлүп сүйлөйт. Мындай түрдөгү адамдарга көздүн алдына бырыш бат түшөт.

2.Телефондо же компьютерде күнү бою отуруу

Телефондо жана компьютер алдында күнү бою отурган адамдардын көзү кургап, анын негизинде көздөрүн улам-улам жумуп кайра ача берет. Дал ошол көздү жумуп кайра ача бергендиктен, көздүн алдына бырыштар бат тушөт.

3.Сиздин көрүүңүз начар

Эгерде сиздин көрүүңүз начар болуп, очки тагынсаңыз, бир нерсени андан дагы жакшы көрүүгө аракеттенип, уламдан-улам көзүңүздү ирмей беришиңиз мүмкүн. Мындай шартта да адистер көзгө тез бырыш түшөрүн эскертет.

4.Көзду тынымсыз бир нерсе менен аарчый берүү

Көздүн тегерегиндеги тери өтө назик келет. Ошондуктан, аны кайра-кайра бир нерсе менен суулап, аарчып сүртө берүү, андагы бырышты пайда кылат.